კერამიკული ბრეკეტები

კერამიკული ბრეკეტებით მკურნალობა შედარებით ძვირი სიამოვნებაა, გარდა ამისა უნდა გაითვალისწინოთ, რომ როგორც წესი, კერამიკული ბრეკეტებით მკურნალობას დაზღვევა არ უზრუნველყოფს. მითუმეტეს, თუ თქვენ ორთოდონტიულ მკურნალობას კოსმეტიკური მიზეზით მიმართავთ მისი დაფარვა არ ხდება.

კერამიკული ბრეკეტები შედგება კერამიკული მასალისგან. იგი შეიძლება იყოს გამჭვირვალე ან კბილის ფერის. პაციენტმა შესაძლოა მეტალის ბრეკეტების ნაცვლად, უპირატესობა მიანიჭოს კერამიკულ ბრეკეტებს იმდენად, რამდენადაც ისინი ნაკლებად შესამჩნევია. 2020 წლის მცირე კვლევამ, რომელშიც 20 პაციენტი მონაწილეობდა, დაადგინა, რომ კერამიკული სამაგრები ნაკლებად იშლება, ვიდრე ლითონის სამაგრები. შემდგომ კვლევაში აღნიშნულია, რომ სკანირების დროს კერამიკული ბრეკეტები იწვევს ნაკლებ პრობლემებს, ისეთს როგორიცაა გამოსახულების დამახინჯება და გემოს დაკარგვა, ვიდრე ლითონის ბრეკეტები. გარდა ამისა, 2019 წლის კვლევამ აჩვენა, რომ კერამიკული ბრეკეტების მქონე მონაწილეებმა უფრო მეტი მინანქრის დემინერალიზაცია განიცადეს, ვიდრე ლითონის სამაგრებით. დემინერალიზაცია ხდება მაშინ, როდესაც კბილის ზედაპირზე მცირდება მყარი მინერალები.

კერამიკული ბრეკეტების კომპონენტები მოიცავს: ბრეკეტები -ბრეკეტები კბილებზე მაგრდება სპეციალიზებული წებოთი. ისინი შესაძლოა იყოს თეთრი; თაღოვანი მავთულები– მავთულები კბილების გარშემო მაგრდება , ისინი აკავშირებს ყველა ბრეკეტს ერთმანეთთან და ახდენს ზეწოლას თქვენს კბილებზე მათ სწორ ადგილას დასაბრუნებლად; მავთულები, როგორც წესი ვერცხლისფერი, თეთრი ან, ღია ფერისაა ბრეკეტების ფერთან შეთანხმების მიზნით; ელასტიკური რეზინები – ელასტიკური რეზინები მავთულსა და ბრეკეტებს აკავშირებს ერთმანეთთან. ისინი ინარჩუნებენ თაღოვან მავთულს და ხელს უწყობენ კბილების და ყბის პოზიციის მორგებას. რეზინები ნებისმიერი ფერის შეიძლება იყოს. შეგიძლიათ აირჩიოთ ფერები, რომლებიც შერწყმულია თქვენი კანის ან კბილის ტონთან, ხოლო თუ თქვენ მოგწონთ მხიარული ფერები შეგიძლიათ ისინი დაიმაგროთ.